اغيثونا الامتحانات قربت [الأرشيف] - منتدى شرقاوي أون لاين

ma7mod

10-31-2007, 12:08 PM

بقينا في اول شهر 11 والامتحانات في نص 12 وخد بالك العملي في نص 11 يعني الترم دا خلاص ؟؟؟
طب وبعدين يا جماعة انا مذاكرتي مش اللي هي وكنت عايز اعمل حاجة السنة دي ؟؟؟؟
يا ريت اللي عندو خبرة في المواضيع دي يفيدنا
نذاكر ازاي ؟؟؟ وكم ساعة؟؟؟ ونبدأ بمادة اية؟؟؟
يا ريت كلنا نتكلم محمود تانية صيدلة
شكرا

حماس

11-01-2007, 01:43 AM

ده الطبيعى واعتقد كلنا كده
لكن قبل الامتحانات بنلحق نجمع المنهج ونستوعبه كويس وبتقدير كمان
حاول دلوقتى تذاكر محاضراتك اول بأول حتى لو مفهمتش المحاضرة لكن على الاقل اقرأها
ولو فى مواد متكومة ومذاكرتهاش استعين بالله وانوى وربنا هيوفقك

اما تذاكر ازاى : كل مادة ليها طريقة
العضوية مثلا بالورقة والقلم وتحاول تفهم اللى بيحصل .. ولازم جداااااااا تحل أسئلة
العقاقير حاول تنظم الموضوع فى نقط مختصرة جدا عشان تقدر تفتكرها .. اجمع المتشابه مع بعضه .. اربط الكلمات زى اسماء العائلات واسماء ال drugs بموقف او كلمة معتادة تفتكر بيها
الصيدلانيات : هات ورق كويس واحفظه .. الصيدلانيات سهلة جدا فى مذاكرتها
الميكرو : هات ورق كورسات كويس وذاكر منه واحضر المحاضرة عشان تفهم .. واحذر من أنك تكوم المحاضرات من غير حتى قراءة
التحليلية : سهلة جداااا وسهل جدا كمان تجيب فيها تقدير ومذاكرتها سهلة

وفى كل المواد ضرورى انك تحضر محاضراتك وقبل كل ده طبعا النية اخلصها لله عز وجل واطلب معونته ومعيته معاك وانت بتذاكر
وفقك الله ..