اسرة الفانكى....للشباب ...ايه رأيك....

[rakam7]

السلام عليكم و رحمة الله و بركاته..

انا لما دخلت الكلية في اول يوم لقيت الانشطة مية مية و كل حاجة بس الحاجة اللى انا ملاحظاها ان اساميها قديمة اوى متمشيش مع شباب اليوم ..(النور-الرحاب-الفيروز)..اسامى قديمة...

انا نفسى أأسس اسرة و أسميها بأسم جديد يليق مع الشباب ايه رأيكو اسميها أسرة الفانكى و الاسرة دى تساعد الشباب و خاصة بتوع الفرقة الاولى فهم في اخص حاجة للمساعدة...ايه رأيكو؟؟

rakam7 الفرقة الاولى :EGYPT:

[rakam1]

ممكن بس مش اسمها غريب شويه ولا ايه رايك

[dr.noha]

معاكوا جدا بس مش مهم الاسم المهم الانشطه عشان انا مش بتعجبنى انشطه الكليه اوى نفسى اسره تنظم حفلات التخرج رحلات مميزه ندوات مهمه جذابه ياريت تبقى ديه اسرتكم فعلا


وعلى فكره انا اسفه جدا لانى كنت بحسبrakam1 rakam7شخص واحد وانا سعيده جدا بمعرفتكم

ربنا يوفقكم


اختكم فى الله:نهى

[rakam7]

ازيك يا دكتورة نهى ....

انا فعلا نفسي و الله في اسرة زى كدة ...
بس محتاجة مساعدة على اساس ان انا لسة فرقة اولى ...
وهتبقي اسرة جميلة جداا ان شاء الله لو زودت انشطة الجامعة ..

و بالنسبة ل rakam1 فهي صديقتي في الفرقة الاولى ايضااا .....

و ان شاء الله نتعرف على بعض اكتر ... و السلام عليكم.....


rakam7 الفرقة الاولى

[rakam7]

ازيك rakam1 ممكن نبقي نختار الاسم بتاعها بعدين بس المهم انه يتماشي مع العصر الحديث اللى احنا عايشينو يعنى ..

rakam7 الفرقة الاولى

[Ameeroo]

أنا شامم ريحة إنقلاب نسائي ضد الرجالة....نحن هنا .............. هههههههههههههههه

((بجد ربنا يحرسكم ))

[ابو يس]

لا يا دكتور اخوك معك هنا بس ايه رأيكم لو اسمها " لسه الدنيا بخير """".......؟؟؟؟؟ده اسم جميل جدا بس لازم تعرفوا انها مسؤلية كبيرة عليكم و لازم حد كبير معاكم

[rakam7]

ادعيلنا ان احنا نعرف نعمل الاسرة دى......


rakam7 الفرقة الاولى

[rakam7]

يا جماعة في ناس كتير سألونى عن اسم الفانكى وهة يعنى fun key يعنى مفتاح المرح :HAPPY:


rakam7 الفرقة الاولى

[dr.noha]

مستنياكم بس هى فعلا مسئوليه كبيره ممكن يساعدكوا الاسر الاكبر منكم فى اسره عندنا فى خامسه ممكن يساعدكوا ان شاء الله لو عايزينى اكلمهم وبالنسبه لموضوع الانقلاب لو ده انقلاب يبقى اجمل انقلاب شفته0


اختكم فى الله:نهى

[dr.noha]

To my best friends:rakam1&rakam7
I miss you so much and Iwant to meet you as soon as possible


your sister in Allah:Noha

[rakam7]

ان شاء الله نتقابل قريب

[rakam1]

ياريت نتقابل بس امتى وازاى لانى بجد عندى مشاكل فى بعض المواد وعاوزة شخص اكبر منى يساعدنى

[rakam1]

ممكن تساعدينى يا دكتورة نهى وتقوليلى
انا ممكن اقبلك ازاى

[الامير]

اهلا وسهلا بكل الطلبة الجداد في الكلية
وان شاء الله الكلية تعجبهم ويكونوا كلهم من الاوائل ان شاء الله
وبالنسبة لموضوع الاسرة فهو سهل خالص
اول حاجة لازم تدوروا علي دكتور يمسك الاسرة بسش يكون روش وتحبوه ويحبكم
وتدوروا علي معيد كمان روش برده يبقي رائد الاسرة
وبعدين تجمعوا 50 اسم يبقوا اعضاء الاسرة كلهم طلبة طبعا بس في فرق مختلفة او فرقة واحدة مش مشكلة

[dr_saso]

فكرة جميلة جدا وأحنا فى انتظار الأسرة بأى أسم أيا كان
وياريت تبقى عن قريب وتخلوا بالكم من أنشطتها
ونفسى جدا أتعرف عليكم
سواء كنتم من فرقتى أو أكبر منى قولولى أزاى؟؟؟

[moon_light]

مااعرف والله بس اكيد الكلية جميلة واللى فيها اجمل رنا يوفقكم واعولى بالله عليكم
بظاهر الغيب محتاج ادعاكم والله علية امتحن فسيولوجى
ببكرة وربنا يستر عليااااااااااااااا
وقلبى معاكم

[rakam7]

شكرااا جزيلا على المروووووووور

[b1ue]

إحم إحم
سلامو عليكم
أنا أحمد الباز الفرقة الأولى
بداية فكرة جميلة بس الاسم مش مناسب خاصة إننا لو عاوزين نعمل أسرة يبقى لازم يترأسها أحد أساتذة الكلية وطبعًا هيتف في وشنا لمّا نقوله الاسم ده :frankie:
بالنسبة للدكاترة أنا علاقتي بيهم كويسة وممكن أكلّم حد منهم وأرشّح د/ محمد إسماعيل قسم الكيميا الحيوية أو د/ وحيد عبد العظيم قسم الهستولوجي أو د/ إبراهيم خضر قسم التشريح

وبعدين لو في انقلاب أنا مش هستنى لمّا يحصل هقتلكم قبليه ... آل إنقلاب آل :blowup:
بالنسبة بقى للأنشطة ... لما نعمل الأسرة الأول
تحياتي
بلو

[Dr. Dolly]

أنا بتمنى ده من زمان <<< مش من زمان قوي يعني
وبنفسي بجد يكون في بينا تعاون على كده
موضوع الاسم مش قضية
المهم الهمة عشان نحقق اللي احنا عاوزينه


................
رقم واحد ، رقم سبعه ، د. نهى
كلي شوق للتعرف إليكم

[samehnabil2005]

والله اسم جامد
بس اللي هيسمعه هيقول الاسره دي بتاعه هلث ومسخره
ومتنسيش ان انتي مش في ليفر بول , انتي في الحطابه


يلا سلام ربنا يوفقك