هترجع و لا نمشى يا أدمن ؟؟؟؟؟؟؟؟؟؟؟؟؟؟؟؟؟

[كارزين]

السلام عليكم و رحمة الله و بركاته

طبعا العنوان واضح و موش محتاج كلام

أنا عايزة أعرف الأدمن هيرجع المنتدى تانى و لا لأ ؟

يعنى هو ينفع كدة يا أفندم
دا حضرتك و الله قدوتنا كلنا

طب المنتدى هيبقى عامل إزاى من غير حضرتك

و الله الواحد كان بيبقى داخل المنتدى و موش عايز يشتغل من كتر المشاكل اللى كانت حاصلة
لكن و الله رسايل حضرتك اللى كانت كلها آيات قرانية و أحاديث نبوية هى اللى كانت بتصبر الواحد

والله يا أفندم أنا موش عارفة اتكلم و لا أقول حاجة من إمبارح

يعنى إبه الأدمن موش يبقى هو الأدمن


ممكن حضرتك ترد علينا هنا ؟؟؟؟؟

و لحد ما حضرتك ترد علينا أنا و بناشد كل الناس اللى عايزة الأدمن يرجع


موش هاندخل المنتدى غير لما الأدمن يقول أنا هنا معاكم و هنكمل سويا فى شرقاوى


و السلام عليكم و رحمة الله و بركاته

يا من علمتنا الصبر ................

[almobd3]

هيرجع بأذن الله وكل الامور هتبقي زي الفل

[لؤلؤ الزمان]

فعلا يا ريت يرجع من تاني ’

[amin]

ان شاء الله حيرجع

[اسلامى نبض حياتى]

ان شاء الله خير
مش اى حاجه بسيطه كده تهز المنتدى
كله هيبقى تمام
وانا من هنا بناشد كل الاعضاء برجاء خاص جدا
كفايه بقى ورانا امتحانات
ادعولنا يا جماعه فى صلاة الفجر
دمتم بخير

[Civil Eng]

اكيد ان شاء الله راجع

ومن خلال الموضوع ده انا عايز اوصله رسالة كان هو بعتهالى قبل كده

وعليكم السلام ورحمة الله وبركاته

اولا نسأل الله ان يتقبل منكم اعمالكم وان تكون فى ميزان حسناتكم

وبخصوص دوركم فهو لم ينتهى بل ابتدا
وهى مهمة ليست بالقليلة ولا بالسهلة

ودو حضرتك ابتدأ كما قلت ونريد ان نرى بادعاتك وقدارتك ان تجذب الاعضاء الى منتدى حضرتك

اخى لا اريد ان اسمع منك هذه العبارة مرة اخرى ونحن نثق بقدراتك الى ابعد الحدود فارى الله من نفسك خيرا

اخوك محمد




هى دى الرسالة بالظبط انا معدل بس فى كلمتين اللى هما بالازرق

واخيرا يا اخ محمد انا بحملك مسئولية المنتدى قدام ربنا قبل اى حد

جزاكم الله خيرا

[ابن الإخوان]

هيرجع بإذن الله عزوجل والدنيا تبقي زي الفل

[sayed_elrwesh]

خير خير
http://www.samysoft.net/forumim/islamic1/1/ertertert.gif

http://www.samysoft.net/forumim/islamic1/1/ertertert.gif

http://www.samysoft.net/forumim/islamic1/1/ertertert.gif

[حبيبها]

يا استاذ محمد مش معقوله حد فى الدنيا يلاقى ناس بتحبه اوى كده ويسيبهم ويمشى

يلا يا ادمن

[أتوب اليك]

ياريت يرجع والله


المنتدى من غيره لن اقبله


وسأنسحب منه في هدوء




بس انا اعتقد انه خلاص مش راجع

[تمرحنه]

يعنى إبه الأدمن موش يبقى هو الأدمن

ازاااااااي صحيح؟؟؟
مينفعش طبعااااااااا


و لحد ما حضرتك ترد علينا أنا و بناشد كل الناس اللى عايزة الأدمن يرجع

موش هاندخل المنتدى غير لما الأدمن يقول أنا هنا معاكم و هنكمل سويا فى شرقاوى




تمااااااااااام كده مش هندخل ولا هنشارك الا لما الادمن يرجع

[D.X]

كل واحد يعمل اللى يريحه

وهو اللى غلطان من الاول
وهو عارف ليه

وياريته يفهم بقى اللى انا اقصده

[مصراوى]

ان شاء الله هيرجع

[dawn angel]

أنا بقول ياريت ننسى الموضوع ده بقى ،

وان شاء الله الأخ محمد هيرجع ،

والمنتدى باذن الله هيبقى أفضل من الأول ..

[ADMIN]

انا بجد مش عارف اقول ايه


الكلمات لا تستطيع ان توصف ما بداخلى الان من مشاعر



اخوانى واخواتى الكرام


جزاكم الله خيرا على هذا التقدير والمكانة التى لا استحقها بجد

وزى ما بيقولا تاتى الرياح بما لا تشتهى السفن

والسبب الرئيسى لرجوعى هو هذه الروح التى لمستها من حضراتكم


جزاكم الله خيرا ونكمل مع بعض فى رقى وتطوير المنتدى الى الامام

[amin]

افرحوا
زغرطوا محمد رجع
لوووووووووووووووووووووووولووووووووووووووووى

[كارزين]

السلام عليكم و رحمة الله و بركاته
أنا و الله ما أنا مصدقة نفسى
و فرحتى بالدنيا
حمد الله على السلامة يا أفندم
و لو سمحت ماتبقاش تزعل مننا تانى ..........
علشان إحنا اتعودنا من حضرتك إننا نغلط و حضرتك اللى تسامح
حضرتك بقى اللى عودتنا على كدة
بس إحنا دلوقت إتعلمنا و إن شاء الله موش هنغلط تانى
بس برضو لو غلطنا ياريت تسامحنا

و بلاش أنا لا استحق دى
علشان حقيقى و من غير مجاملة إحنا موش قدرنا نعمل حاجة
و لا قدرنا ندى لحضرتك قيمتك اللى حضرتك تستحقها يمكن لصدمتنا
و يمكن لأن حضرتك دايما اللى كنت بتشجعنا و أول مرة إحنا اللى نحاول نشجع حضرتك

حمد الله على السلامة يا أفندم

[مصراوى]

ايه الناس اللى ملهاش كلمة دى

هههههههههههههههه


حمدالله على سلامتك يا محمد بيه
وانا ماخدتش الجاتو بتاع امبارح
الواد زيدان الطفس كله
انا عاوز حقى

[أسد فلسطين]

حمد الله ع السلامة يا كبييييييييييير

[amin]

ياللهوى كان ف جاتو وانا معرفش ولا اسامه وميدو وبلبيسى
دا احنا عاوزين حقنا ناشف بقا
انا عاوز خمسه جنيه اجيب قطعه جاتوا

[dawn angel]

حمد لله عالسلامة يا أخ محمد ..

[ADMIN]

جزاكم الله خيرا جميعا

وأسال الله ان يديم هذه الروح بيننا اقصد روح الحب والاخوة

[amin]

بص يا ادمن
متوهش عن الموضوع انا عاوز جاتو زى زيزو
مش معنه هو يعنى
خلص كده بالذوق وجبلى خمسه جنيه اجيب قطعه ولما باقى الشله العسل ترجع كل واحد له خمسه جنيه
ايه يا عم خساره فينا ولا ايه
دا احنا بقالنا يومين بنتكلم عنك وازاى نرجعك تانى
وكمان متنساش تجبلنا شيبسى شطه وليمون عشان احنا بنحبه
وبيبسى كمان متنساش
دا عشان فرحتنا بيك

[Prince Of Love]

هيرجع ان شاء الله

[مريمية]

حمدلله على السلامة اخانا الفاضل محمد

ربنا يبارك فيكم جميعا

بجد انا مبسوطة بيكم

[هلا]

حمدلله على السلامة يا فندم
و اكيد حضرتك شفت و عرفت اد ايه الاعضاء بيقدروك و بيحترموك
وزى ما كارزين قالت بلاش اعتذارات او انك لا تستحق دى كمان
لانك عند حسن ظننا دايما باذن الله

و ان شاء الله بعد كدة محدش يجيب سيرة
التنحى و الانسحاب مهما حصل

[D.X]

وانا عايز حقى ناشف زى امين
هههههههههههههه

[زهرة القدس]

حمد الله على السلامة
فرحتى لا توصف

[صوت من الماضى]

اولا حمد الله على السلامه
ثانيا ياجماعه قبل ماحد يفكر يسيب المنتدى او ينسحب لازم يخلى دايما فى باله الدعوه ان لم تكن بنا فهى بغيرنا وان لم نكن بها فلسنا بغيرها
وطبعا المنتدى باب كبير من ابواب الدعوه ولازم يكون ده هدفنا مش اى حاجه تانيه
وجزاكم الله خيرا

[كارزين]

اولا حمد الله على السلامه
ثانيا ياجماعه قبل ماحد يفكر يسيب المنتدى او ينسحب لازم يخلى دايما فى باله الدعوه ان لم تكن بنا فهى بغيرنا وان لم نكن بها فلسنا بغيرها
وطبعا المنتدى باب كبير من ابواب الدعوه ولازم يكون ده هدفنا مش اى حاجه تانيه
وجزاكم الله خيرا


السلام عليكم
أولا
أكيد طبعا كلام حضرتك صح الصح و إحنا موش معترضين عليه خلاص
لكن يكفى حضرتك قراءة الكلام اللى فى توقيعى حتى تعرف السبب
جزاكم الله خيرا

[Mr:Amme]

ربنا يخلى الادمن لينا والمشرفين كمان