الشــــوت بوكس ( الشــات)

[علمنى هواك]

اولا
ازيكم ياشبابنا ياجميل
انا بس كان ليا مجرد اقتراح صغير واتمنى يكون عند حسن ظنكم وتعملوا بيه
اللى هو
(((( الشــوت بوكس ))))
يعنى من الاخر شات صغير بيبقى فى وجهه المنتدى وتكون لكلل الاعضاء على الاقل نحسن فرص التعارف وكمان اى كلام نفسنا نقوله لبعض نقوله فيه ويكون فرصه للتقارب بين الكليات

عمتا اى سوال عن الحوار ده انا تحت الامر
فا ياريت تعملوا شوت بوكس صغير فى الواجه بتاعت المنتدى وهيوفر علينا كتير بجد وكمان هيجيب اعضاء غير انه هيعمل جو الاخوه بينا:HB:


ملحوظه انا عملت استفتاء للاعضاء فى التوبيك ده
اللى هو توافق ام لا على عمل الشوت بوكس
يا ريت تعرفونى وجه نظركم فى الحوار ده
سلاموزززززز بالموزززز

[Eyes never dry]

هو ممكن بس هتبقى خلطبيطه

وبعدين هيحتاج مراقبه 24 ساعه

من المراقبين وده طبعا شيء مجهد

ثانيه المفروض العضو إلى يشارك فى صندوق المحادثات مشاركاته لاتقل عن 100

ده لو فكروا فى الموضوع

مع إنى شايف إنه شي صعب ممكن لايؤدي الغرض المطلوب منه

[abdoooo]

انا معترض مليون في الميه علشان مش ينفع خالص

لان في مشاكل مثلا الايميلات و كذلك ان مكن ولد يفكر يكلم بنت و ده طبعا شئ مش عيزينه هنا

كما انا ده محتاج مراقبه 24 ساعه و ده صعب جدا

و ارجو رفض الطلب

[زهره النسرين]

انا مع وليد فى ان الشات بوكس مش هيادى الغرض المطلوب منة

ولو هيتعمل فعلا محتاج مراقبة مستمرة
وكمان لو اتعمل يقى ممنوع دخول غير الاعضاء كمان العضو مشاركاتة ما تقلش عن 150 على الاقل
عشان يبقى معروف فى المنتدى

شكرااااا


تحياتى

[Sweet Emy]

انا مع وليد فى ان الشوت بوكس هيحتاج فعلا مراقبه 24 ساعه بس هو فعلا فكره كويسه هتقرب الأعضاء من بعض
,,
انما مش شرط ان المشاركات تكون 100 ولا 150 لأن كده كتير جدااااااا

[فداء المصطفى]

تقريبا مش هينفع لان احنا بكده هندى فرصه للاختلاط وممكن الاخوه الافاضل يكلمو الاخوات وده ميصحش فى منتدانا

[belbesy]

طيب
مش موافق

[tawahan]

اناكمان برفض الشات بوكس
لانه مش هينفعنا بأي حاجه خالص

[د\فاطمه]

عادى
انا مش شايفه انه وحش

[ملكش دعوة]

انا كمان معترضه
لان الشات بيفرض نفسه
وجد لو اتعمل شات بوكس
ممكن متلاقيش
حد في المنتدي
اذا كان المواضيع بيحولوها لشات بوكس


بس بيلاقو اللي يسكتهم بس بلاش شات بوكس خالص

[Ruka lov]

انا مش شايفة ان فيها اى حاجة لان كده او كده البنات والولاد بيكلمو بعض فى المواضيع زى ماقالت ملكش دعوة ان المواضيع بتتحول لشات بوكس فهيه هيه يعنى
وبعدين كل المنتديات التانية فيها شات عادى مش حاجة جديدة هتتعمل هنا

[بنت حماس]

أنا بوافق بس يكون شوت خاص للبنات
واخر للشباب والشباب ما يدخلوا في امور البنات
انتو ليش معارضين هو ما زال كل واحد دخل واتكلم مع
ولد بتنحل المشكلة

[زهرة النرجس]

انا برفض الفكرة

[المنيبة]

غير موافقه ابدا

[ايمي مون]

انا شايفه انه عادي لان اعضاء المنتدي النشطاء يعني فوق 100 مشاركه
محترمين واكيد فهموا قواعد المنتدي والا مكنوش شاركوا فيه بعدد مشاركات مش بطال
وهيوجد تحذير ان اي حد يخالف تلغي عضويته فورا
لان فعلا المواضيع نفسها اتقلبت شات بوكس

[المنيبة]

ياجماعه كفاية اللى على الادارة
والله مشفقة عليهم -ربنا يعينهم.
وبصراحة ده هيعطل المنتدى نفسه
وبدل الكتابة فيه ,نرد على موضوع أفيد.

[beauty]

من رئيي ان الشات بوكس ليس له أي اهميه ,,
وممكن كمان يشكل عبيء زياده على الاداره والاشراف...

thanks...

[نورالقلوب]

هي فكره كويسه علشان لو احتاجنا حاجه او كده نكون على اتصال بس للاسف في كتير جدا هيتصرف غلط وهتحصل مشاكل
هو له فوائد بس له اضرار لو المراقيبن هيقدروا يراقبوه اوك
وقتهااا هندخل وهنوافق ع الشاات بس

[تمرحنه]

ارفض تماما واري انه لا فائده له

[قناص الاقصى]

اتمنى ان كل واحد وهو بيرد على الموضع او بيرد على الاستفتاء يتقي الله ويحس اني دي اخر لحظه ليهفي الحياة الدنيا وان ملك الموت هيقبض روحه وهو بيصوت سواء موافق او غير موافق انا عن نفسي متوافق مع الاميل الياهو والهوت ميل لأنك بتضيف ناس انت عارفهم صحابك واحد قابلته واتعرفت عليه وخدت اميله لكن بأي حق تكلم واحده ولا هي تعرفك ولا انت تعرفها وتسيحوا مع بعض واخرها ايه يا ويلكوا من ربنا لو ما راجعتوش نفسكوا

تم التصويت.........